About Me – Vaishnavi ki Story
Main Indore me pali-badhi hoon aur B.Com graduate hoon. Mera vivaah ho chuka hai aur ab main ek pyaari si 2.5 mahine ki baby girl ki maa hoon 👶💖
Motherhood ek bahut hi beautiful experience hai, lekin uske sath-sath meri ek aur soch hai — main ghar baithe apni pehchaan banana chahti hoon.
Main chaahti hoon ki main apni beti ka dhyan bhi poori tarah se rakh saku aur ghar ki income me bhi yogdan de saku.
Kyun Shuru Kiya Blogging?
Mujhe hamesha se fashion, skin care, aur home remedies me interest raha hai. Par kabhi socha nahi tha ki main in sab chizhon ko likh kar logon tak pahucha sakti hoon.
Jab maine dekha ki bahut si ladies apne ghar ke kaam, apni knowledge ya personal life se hi blogging karke income generate kar rahi hain, to mujhe bhi laga:
“Main bhi try kar sakti hoon!”
Aur bas wahi se yeh safar shuru hua hai — ek simple housewife se blogger banne ka. ✨
Mera Niche (Topic)
Main is blog me:
- Apne favourite fashion ideas share karungi – budget outfits, festive looks, saree styling jaise tips
- Apne ghar ke natural skin care nuskhe likhungi – jo maine try kiye hain
- Home remedies for skin, hair, aur health – jise main apne routine me use karti hoon
Aur haan, mujhe cooking ka bhi shauk hai 🍳 — to future me ho sakta hai ki main apne favourite simple recipes bhi blog me share karun!
Main Expert Nahi Hoon – Par Main Seekh Rahi Hoon
Main professional expert nahi hoon, par jo main seekh rahi hoon, try kar rahi hoon – woh sab kuch honestly yahan likhungi.
“Mujhe kya acha laga, kya kaam kiya, kya nahi kiya – sab readers ke sath share karungi.”
Mera blog ek perfect guide nahi hoga – yeh ek real journey hogi jo har ek beginner relate kar sakta hai.
Aap Mera Saath Dijiye
Agar aap bhi mere jaise ho – ek nayi maa, ek housewife, ya ek beginner jise fashion, skin care, ya ghar ke nuskho me interest hai – to aapko yeh blog pasand aayega ❤️
Main blogging ka har step sath-sath share karungi – taaki hum dono sath me seekh sakein.
Thank you for reading 💕
Yeh to bas shuruaat hai. Agle blog me main share karungi –
“Blogging Kya Hoti Hai Aur Maine Kaise Shuru Ki?” Milte hain agle post me!
– Vaishnavi 🌸
